السلام عليكم ورحمه الله وبركاته
شخباركم يا اخواني واخواتي
اسأل الله ان يحبب قلوبكم في طاعته
اسأل الله ان يجعلكم من المقيمين للصلاة
اسأل الله ان حفظكم من سوء الضن
اسأل الله ان يجعلكم من اهل الجنه
موضوعي اليوم عن : اداره المرور
امس كنت في المرور حوالي الساعه 11 صباحآ
المرور القديم في مدينه خليفه الشماليه
عندي رقم مميز وابي اركبه على موتري الكورفت
طبعآ نزلت لوحاتي القديمه لأصدار لوحات جديدة
المهم وانا انتظر وصل رقمي على الكونتر ورحت للبنت الموجوده الله يحفظها
قالت لي تبي لوحات طوال ولا قصار
قلت لها اختي ابي لوحه طويله واماميه ابي لزقه
لوحه بس ستيكر قالت لي الاخت مايصير اخوي تاخذ لوحه وحده ...؟
قلت لها انزين ابي ستيكر جدام قالت اوكي تاخذ لوحتين وعقب تسوي كتاب حق اللوحه الاماميه (( الاستيكر ))
قلت لها انزين شاسوي في اللوحه الثانيه
انا بركب لوحه خلفيه وباقي لوحه اماميه
قالت تخليها عندك ....!
انزين مب ملزوم ادفع 100 على لوحه واخرتها بخليها زينه فالمجلس .!
انا بدفع على لوحه الخلفيه والاماميه باخذ عليها تصريح ب 100 ريال
قلت خلاص خلاص توكلي على الله واصرفي لي لوحتين
اصرفت وركبت لوحه خلفيه فقط
والاماميه قدمت كتاب علشان موافقه الاستيكر
قالو لازم تروح المبنى الجديد للدفع !!!
قلت لهم اوكي
ولا رحت ولا شي
قلت بخليها لين فضيت
الحين السؤال ..؟
ليش عطوني لوحه اماميه .؟ مدام قلت لهم ابي ستيكر
انزين اخاف اللوحه تضيع من عندي
من المسؤول عقب..؟
اترك النقاش لكم وابي حل للوحه الي موجوده عندي ع الفاضي
تحياتي لكم ...
الثلاثاء فبراير 04, 2014 11:59 am
