السلام عليكم أخواتي الكرام
اليوم جبتلكم وصفة بسبوسة و راني من سنين نديرها دارتها حورية المطبخ أظن و هي بدون بيض و ذوقها كالقلب اللوز
المقادير:
2 كؤوس سميد خشن شوية
كاس زيت بصح مانعرمروهش
كاس سكر
علبة ياووغت تاع مشماش او خوخ
شوية جوز الهند
1 خمارة حلوى
كاس حليب بارد و ما تعمريهش
و صينية فرن مثل اللي في الصورة هاديك الصغيرة
إضغط هنا لرؤية الصورة بحجمها الطبيعي.
نخلط المواد الجافة ثم نضيف المواد السائلة و نخلط الكل و راح يجينا شوية سائل ثم نفرغه في الصينية و ندخله لفرن مسخن مسبقا ثم انقصولو و نخلوه يطيب على مهل حتى يحمار من فوق و باش نتأكد انو طاب ندخل فيه موس و نخرجوه ايلا خرج ناشف راه طاب
و هادا شكلها بعد طهيها يم يم ريحتها اجي زااااااكية
و الان نحضرو الشربات
2 كاس سكر و يكون نفس الكاس اللي عبرنا بيه من قبل
كاس ماء
نديروهم على النار و كي يبداو يغلو نزيدولهم مغرف كبيرة عسل و شوية ماء زهر و نحرك و نطفي
و نشرب بيها البسبوسة و هيا سخونة ثم نخليها تبات باش تشد روحها و كي تشرب مليح باش نقطعوها
انا هنا راني قطعتها باش نوريهالكم كنت مقلقة على داك الصور خرجو شوية مش واضحين
إضغط هنا لرؤية الصورة بحجمها الطبيعي.
و بالصحة عليكم
السبت أغسطس 31, 2013 11:22 am
